Nú andar suðrið
Ár samið:
1936
Texti / Ljóð:
- Nú andar suðrið sæla vindum þýðum,
- á sjónum allar bárur smáar rísa
- og flykkjast heim að fögru landi Ísa,
- að fósturjarðar minnar strönd og hlíðum.
- Ó! heilsið öllum heima rómi blíðum
- um hæð og sund í drottins ást og friði;
- kyssi þið, bárur! bát á fiskimiði,
- blási þið, vindar! hlýtt á kinnum fríðum.
- Vorboðinn ljúfi! fuglinn trúr sem fer
- með fjaðrabliki háa vegaleysu
- í sumardal að kveða kvæðin þín!
- Heilsaðu einkum ef að fyrir ber
- engil með húfu og rauðan skúf, í peysu;
- þröstur minn góður! það er stúlkan mín.
Hvar í riti:
Óútgefið handrit á handritasafni Landsbókasafnsins og hjá Íslenskri Tónverkamiðstöð
PDF skjal:
Höfundur texta:
Jónas Hallgrímsson
